Descrizione, testo e note nel documento allegato.
Lasa pür che la giuventü la disa
ma Belœusch l’éra un gran paés:
dal Doss a Vólta andà a Canton
gh’éra bósch e rüisción,
da la Pelusa a la curt di Gai
l’éra un via vai de bagài,
de la curt del Póss al circulétt
gh’éra i casén pien de sciuchètt,
dai che vèm a San Marten
a fa un gir sœu ‘l caretén,
in curt di Murétt
a vendéven tònti büscétt,
curt di Bisión
a cantaven suta ai purtegón
a pelà ul furmentón.
Varda varda ul camén cume ‘l füma,
l’è ‘l stegnâ de la pulènta del Ruen che cunsüma.
Lasa pür che la gènt la disa
ma Cantón l’éra ‘na gran frasión,
la curt del Póss l’éra una canunada
gh’éra l’aqua frésca e buna
e tœucc a vegnéven a cavala;
trènta famigli a gh’éra dènt
l’éra cumè un regimènt;
e tœucc ul suranòm
a purtada de mòn:
Bacècch, Cruvèi, Capara, Umari
Cióca, Patina, Pelùs
éren tœucc nòm curiùs.
A la matina gh’éra un gran muvimènt
quéi che andava a Milón a laurà
ciapaven ul sgéch sènsa pèrd tèmp,
ul paisòn in campògna
al gh’éra tònt laurà in mess a la piòna,
i tusanètt in del Caròsi tesitüra
favum cuèrt, fas e serviètt.
A câ de scœula andavum in vèrs Subiâ9
a purtà i uchètt a mangià in del prâ,
ògni famiglia in curt del Póss
ghe n’éra püsê de sètt.
A la sira se rusciavum là una bèla cumpagnia
se davum l’apuntamènt
e arivava in curt un regimènt.
A giugavum a scundirœula e a bandéra
ai pignàtt e a palla prigioniéra;11
andavum sœu i casén,
arivava Techén col lampadén:12
se scundevum in mess al fèn e ai fasén.
Oh, che fraternità che gh’éra
se sitavum gió anca in téra.
Lasa pür che la gent la disa
ma i nòst ricòrdi hin meravigliùs,
e nœum chi hèm pasâ sem urgugliùs.
